No. 1 --褶衫
眾多家務入面, 我最鍾意係褶衫! 而真正談得上鍾意既, 亦有褶衫~:p 我褶衫好快架~唔駛跟咩快速褶衫法~之前梁詠琪o係個節目度鋪晒d衫出黎褶褶褶, o係屋企邊有咁多地方呀? 又邊有人同你鋪好d衫? 鋪得黎我已經褶好啦~
細個阿媽教我左右對褶o個種方法, 不過我覺得唔靚, 之後一直都係褶到好似出面鋪頭o個d陳列品咁~快靚正!
我唸要跟埋洗衫同晾衫先為之一set, 2樣都唔討厭唔辛苦, 所以依然係no.1:p
No.2--洗碗
其實又唔係好鍾意洗碗, 不過講唔上討厭, 相對於好多討厭洗碗既人黎講, 我唔抗拒唔介意, 都可以算係第二位既。我鍾意做d成效明顯既野, 而洗碗就明顯睇倒前後既後別! 打掃屋企有時唔太污糟根本睇唔倒乾淨左幾多~:p
No.3--掃地
呢樣都係勉強唸出黎, 只能夠話唔討厭, 因為比較輕鬆, 都算大成效。
至於討厭既家務, 首推拖地!!!我覺得拖地好支力, 而且又濕又易跣親…= =有時寧願搵毛巾慢慢抹都唔鍾意拖, 又靈活d!!又可以運動!
除左以上幾樣, 我仲會換木糠, 掃塵, 洗出面個花園仔, 不過我係唔抹窗既…
我唸煮飯唔算係家務, 如果算既話, 咁第一位就會係煮飯喇~^0^
我都係, 最最最憎拖地, 為咗消下毒, 會加d漂白水, 但係一陣味...好彩貓之男肯扡地咋
ReplyDeletestweetcat, 最衰佢都同我一樣咁憎拖地…所以都唔敢叫佢幫手… 佢話唔鍾意濕立立… 不過佢尋晚主動話今日幫我拖呀~^0^
ReplyDelete三樣之中要我選一樣來做我會選洗碗~ 呢樣亦都係我中學時期負責既家務~學你話齌..可以睇到好明顯既成果嘛~ (不過我唔鍾意洗完後要抹碗...) 掃地我覺得都OK~~ 不過摺衫就唔好攪我...好煩好濕碎!!!
ReplyDeleteSK4, 我都係最近先買左條毛巾返黎抹碗XD之前係晾乾佢架咋~不過覺得抹仲好, 唔駛疊到咁高之後又懶得執返好, 都係一次過洗完抹完收埋最D
ReplyDelete3樣我會選洗碗!!!! 我唔識摺衫,我唔可以掃地,就算搵野我都會不停咁"乞乞乞痴",仲要眼仔痕tim 中學學家政時,只有f1同f3有半年cooking學,那時我都係做洗碗的工作,上碟同整伴碟的工作就會係我parter做的^^
ReplyDelete懶貓，我地家政堂係一堂縫紉一堂烹飪咁，連考試我都係執頭執尾…乜都唔識…只係記得學識煎奄列：Ｐ
ReplyDelete哈哈...我咩家務都唔鐘意....最憎係洗碗
ReplyDelete