熊仔老了?

尋晚同班豬仔換木糠, 發覺熊仔D毛甩得幾犀利, 心口仲有撻血紅, 好似俾人大口咬左啖咁…><咩事呀??

買佢返黎O個陣聽講一般有4-5年命, 有D勁既仲可以養到十幾歲@@ 熊仔依家只係2歲幾…但見佢好似訓覺時間愈來愈長…

其實佢由細已經係訓訓訓架喇, 我懷疑佢一日要訓22-23個鐘!

不過佢爛訓得黎又好為食喎, 就算佢訓緊覺你伸D野食俾佢, 佢都會即刻食, 不過佢唔會起身! 會一路訓一路食!!XD好勁架!!簡直係絕招黎!

熊仔o岩o岩黎o個陣都幾惡架, 我同阿媽都俾佢咬到流晒血呀!!不過唔知點解, 自從第一次鼠版版聚o係我屋企舉行過之後, 佢突然變得溫馴喎~*0* 自始就冇再咬人喇! 有都係輕輕咬下以為係野食咋~

我要多d抱佢出黎玩等佢有返d精神至得!.\/.