小孩與狗

小朋友同小狗, 其實很相似。難怪有人養小動物代替生小朋友。

返左呢份工之後, O係學校對住細路, 返到屋企對住小狗。經常都會覺得佢地好似。

佢地唔乖, 望一望佢地, 會收儉一下。TUM下佢地, 教下佢地, 有時要鬧下。軟硬兼施先搞得掂。

肥豬好o爹, 好鍾意人摸頭, 好鍾意搵個頭頂你隻手去佢個頭度等你摸佢~^^ 小朋友都好鍾意你錫佢。而我亦好鍾意摸小朋友個頭頭。^.^

其實小狗同小朋友一樣都好醒, 識得吸收教訓, 又識得扮傻。

搭車既時候留意倒, 小朋友同小狗一樣咁鍾意o係唔適當既場合大叫大喊…呢個時候你一樣冇佢符…

去街既時候要拖實, 唔係一轉眼就唔知走左去邊,  要周圍搵, 周圍嗌…

你請佢地食野, 佢地會表現得好開心~

讀教育o個陣學過一套理論大致係咁--你敲一下鐘, 俾d野食, 隻狗就會走出黎, 如是者訓練幾次, 最後只係敲鐘而唔俾野食, 佢一樣會走出黎。呢套理論同樣可以套用o係小朋友度, 訓練佢養成某d習慣。

直接, 單純, 冇機心。雖然依家d小朋友比起以前o個d愈來愈唔似小朋友, 不過依然有好多同小狗相似既地方。其實, 依然都好小朋友。^^