生日禮物

中學有一年好鍾意買生日禮物俾人, 唔熟既都送。不過之後唔知幾時開始, (都係中學階段) 慢慢唔會特別為生日買禮物。

當時有d朋友會買定d禮物, 等對方生日時先送。我覺得好奇怪, 買左就送啦, 點解要擺幾個月…?

初中時期好鍾意儲天蠍座既野, 可能係飾物可能係文具精品, 有d fd見倒都會買俾我。其中有條鍊就係咁, 買左幾個月等我生日先送。

其實我覺得送禮唔駛原因既~見倒o岩你或者你會鍾意咪買俾你囉~咁買左, 又唔駛特登等生日或者咩特別節日先送呱, 有d無謂…又因為平時睇o岩都會買, 如果等生日再要揀一份就好有難度喇, 咁趕買返黎既野亦唔方o岩心水…咁…無謂啦…

生日最多一班人出黎玩, 主角唔駛俾錢就例牌, 另外仲要送禮就好唔慣。我通常都唔會預備, 有時得我一個冇預備感覺好怪。但我真係唔明點解要送禮物。請佢玩請佢食就係架啦…阿媽話人地請你既生日會要送禮, 你地羅漢請觀音請左就係架啦, 仲邊駛再送禮? 到依家我都係唔慣亦唔鍾意呢種習俗。仲要當場拆禮物…

細個已經好怕o係人地面前拆禮物, 怕自己俾唔倒個好鍾意好驚喜既反應人…

至於我自己生日, 我覺得人地記得, 一張卡或者一句生日快樂, 一個sms已經夠。重要既人, 情人家人最好可以陪我過啦。

細個會約fd出去玩, 呢2年開始覺得生日應該同阿媽過。呢個畢竟係同佢適適相關既日子。^^

對於一d要買禮物既生日會或者要交換禮物既聖誕party, 我都會有壓力…有幾多人收倒呢d禮物會用得著架…可能我比較實際…

禮物都係應該平時留意倒對方o岩d咩要d咩, 咁o岩見倒買黎送既最有機會o岩心水, 無端端有禮物收唔係仲驚喜咩?

有人話平時買左生日都要買, 情人節都要買。

費解。