蠍+小藍+丁叮媽: May 2007

要擺酒真係唸唔倒請d咩人, 香港親戚唔多, 中學大學同學都乜聯絡, 小學同學得返幾個，又冇舊同事，除左返工班同事，平時玩既幾乎都係網友～幾年前有同學結婚請網友, 大家都好奇怪, 但係依家同網友成為真正朋友已經係得閒事。要擺, 最多咪1, 2圍, 咁又點算擺酒呢~不如分開食餐飯, 或者上船玩返日仲開心~帶埋自己整既結婚蛋糕~特別有意思^^

我從來都冇唸過想要一個點樣既婚禮, 講起又覺得幾得意~哈哈~租隻遊艇仔都係幾千蚊~又唔駛做人情~人地唔駛挨聲歎氣, 我又唔駛周圍搵d唔係咁熟既人黎做姊妹…大家開開心心咪幾好~出到海, 去個冇咩人既沙灘飲杯香檳食d野, 又可以自己預備埋小食~^0^ 完全係一個屬於自己既婚禮~~

搞blog聚

有冇人有興趣出黎見見面? 傾下偈, 食下野?

今次希望約d傾左好耐既blog友出黎見下面, 可以出去搵個地方食餐飯, 或者黎我屋企打下機玩下棋傾下偈都得~

好耐之前搞過一次keepfit blog聚, 雖然人少少不過都好開心~唔知大家有冇興趣出黎聚聚呢?

同埋想分主題定不分類呢?

熱狗 (同場加映一次衰過一次既bagel)

呢排天氣咁熱, 整包O岩晒~尋日搓左2款都係幾個字完成~不過都焗得麻麻地

熱狗冇平時甜餐包咁好食~BAGEL居然整到脆既= =仲衰過第一次…次次都係一6完就皺晒皮…

total整左大約21xg高粉。2個譜都好接近, 同樣係100g粉, 熱狗用6xg水, bagel用57g; 酵母大約都係3g, 熱狗要落奶粉bagel唔駛, 大家都係大約7g牛油, 少少鹽, 糖唔記得左, 好似係幾g?

焗之前熱狗要掃層水o係面, 可能因為咁所以有少少脆; 而bagel就要616先, 之後其實要上蛋漿, 不過我冇特登打隻蛋用o個少少。

買左包脆皮熱狗腸, 2x蚊十幾條大大條都幾好味~配茄汁同之前o係西田買既芥辣。

加左2圈生洋蔥同1-2片蕃茄, 食完一大陣洋蔥味:p

究竟6o個陣有咩技巧要注意呢~? :\點先可以6完唔皺皮呢…一次樣衰過一次…

今次個皮仲脆既添= =

上次(

http://hk.myblog.yahoo.com/scorpio_3210/article?mid=6264})都皺架喇, 不過起碼唔係脆既, 又飽滿d…

Wednesday, May 30, 2007

減肥日誌~20070530

尋日太支力冇做運動, 不過都搞到點幾先訓~! 今晚早D訓, 希望可以朝早早8個字起身做運動!!

早餐：細橙x2+小蓮霧x2

小食：十點幾太餓食左幾啖失敗的朱古力蛋糕，好幾次想掉左佢，不過又好似好浪費…留返黎頂肚餓都唔錯…不過又肥…唉…

午餐：

運動：

晚餐：

咁鬼熱都唔知食咩好…

太子鳳城

尋日去一位識左幾年既網友食生日飯同埋食蛋糕~

本來唸住去上次間貓cafe, 因為見上次有人帶蛋糕去, 不過聽講要切餅費, 最後去左太子鳳城食飯~

其實同佢只係見過3次, 第一次又係佢生日一大班人出黎唱k, 當中好多都唔識既; 第二次就黎左鳳城, 不過o個次之後2年都冇黎過, 其實好回味, 第一次印象好好~又知道呢度唔駛切餅費, 於是決定encore~^0^

上次人多~試左好多味送, 印象好好~不過唔記得食過d咩lu~ 今次人少少得3個女仔~由壽星女發板~嗌左蝦多士、雜菜粉絲煲、腰果炒肉丁~最後見好多隻炸子雞行過心思思都係嗌左半隻~^0^

蝦多士：好味呀～不過都幾肥膩，我食左３－４件

雜菜粉絲煲：好多菜，其實冇咩特別，不過都唔錯

腰果炒肉丁：幾好味喎～一向麻麻腰果，不過炒肉丁又幾好味喎～：ｐ

炸子雞：真係正～我唸住招牌菜，勁多人嗌～外脆內嫩，肥都照食：ｐ

３個女仔居然食得晒４碟送，只係剩左２件雞＠＠

不過佢再送甜品黎已經食唔倒喇，同佢話唔要，食埋件蛋糕飽到不得了！３個人＋埋個阿姐都只係食左3/8個。

呢度d阿姐都幾好人, 錯手倒左我地兜洗碗茶就幫我地沖過碗滾水俾我地洗~幫我地影相影左好多張都朦, 仲好好心機~又幫我地執位話坐埋一齊好睇d~^^ 跟住知道個蛋糕係我整既仲好搞笑咁話想食一件仔~XD

2次食完都好回味~好想再黎~^^

(相片後補)

黎緊會整蛋糕既日子

6月份： 3號－泥仔生日(白朱古力芝士蛋糕)
　　 10號－包粽日@檸水家(棋盤蛋糕)
　　　 14號－Amy生日(草莓芝士撻)
　　　 16號－父親節蛋糕1號(朱古力慕絲合桃咖啡布朗尼)
　　　 17號－父親節蛋糕2號(荔枝天使)
　　 23號－Christy生日(焗熱情果白朱古力芝士蛋糕)
　　　30號－男友生日(紙包小蛋糕29個+淋面朱古力心型蛋糕)

7月份： 2號－Karen+Anna 生日(orange chiffon)
　　　 11號－河童生日(TIRAMISU)(23/8)
　　　 28號－Rachel生日(法式蘋果批)(31號)
　　 30號－靚仔Ｂ四歲大壽(B字拿破侖)

8月份：11號－ｃｄ生日
　　　 12號－新同事Flora生日(芒果乳酪芝士蛋糕)(11號)
　　 12號－mauph生日(士多啤梨芝士蛋糕)(19號lunch)
　　　 22號－ying+八月之星(青蘋果熱情果慕絲蛋糕)(20號)
　　　

9月份：2號－Herry生日(3號)(木糠布甸)
   　　　16號－Kit生日
               17號－大魚生日
   　　　22號－九月之星
　　　   23號－公主Ａ生日

10月份：13號－舊同事Wendy生日
　　　   18號－rankura生日(栗子蛋糕)
　　　     25號－Ricky生日(朱古力蛋糕)
　　　     28號－新同事Yan生日

12月份：聖誕樹頭蛋糕/朱古力屋/薑餅屋
　　　 6號－yan(grace)生日

2008年－－

2月份：14號－情人節蛋糕
　　　26號－kocat生日

4月份：29號－Kion生日

5月份：11號－蜜瓜生日
　　　15號－Elaine生日

7月份：29號－新同事Winnie生日

整蛋糕開心~整生日蛋糕仲開心~^0^ 收既人開心我最開心~^~^

仲有冇人想收倒我既生日蛋糕呀~^0^

(點解咁多人夏天生日既?@@ 睇怕都要買冰袋喇XD)

食譜~旺旺燒米餅

材料:

1) 糯米粉100g

2) 水80g

3) 鹽小許

作法:

1) 先把鹽加入水中溶化

2) 再把鹽水加入糯米粉中,整成團

3) 用一d粉團搓成圓粒,,在牛油紙上再壓平成圓餅(薄薄的)

4) 用中火,微波爐叮2min

5) 然後取出反轉再叮2min.,.即成形

6) 再把成左形的米餅入焗爐..烘一烘..令到有焦焦地既色…然後掃上甜豉油再放回爐中烘一陣即成

(個食譜正宗是白玉粉的,佢的白玉粉份量是100g白玉粉加半量杯水)

Tuesday, May 29, 2007

清真牛肉餅

尋日去開九龍城整牙，走左去想試好耐既清真牛肉館同隔離間新開既北京清真牛肉館分別買左４個牛肉餅唸住比較比較。

首先去左新開Ｏ個間先～聽講係清真牛肉館既大廚定經理開既，只係隔幾個鋪位，擺明係頂佢／想吸佢Ｄ唔想等位既人客。睇谷睇過有人話唔錯，我都想比較下。

北京呢間：當時係星期一下晝5點幾，入去o個陣一個人都冇，得個姐姐仔o係度打NDS，我落左單之後有個哥仔出黎整餅～睇住佢由粉糰度切Ｄ皮出黎搓、包餡、煎。好好心機，又同我整到個盒靚靚～煎左４隻，俾左２隻我，盛惠19蚊！哇～一Ｄ都唔平！

之後過左去正宗出名o個間，有幾檯客人，有ｄ就好似我咁ｏ係度等外賣～呢間都係即製既，不過睇唔倒佢整，佢個廚房唔係o係門口透明玻璃。有客人催佢都解釋話係即叫即製，服務態度都唔錯。$18/2件，外賣盒+$1。

本來係送去鋪頭同爹地仔一齊食既～不過去到巴士站已經俾我分開ko左一件~

我既食評－－

先黎正宗o個件：唔錯丫～好多汁，不過係湯汁多過肉汁。好熱…燙到我依家都仲痛緊…><

新o個間：哇…我係早買左少少，不過都唔駛爛成咁呀…完全夾唔起…ｄ肉好梅咁，好似落左好多粉，有ｄ似山竹牛肉，不過山竹牛肉仲好ｄ…ｄ皮太淋又爛，好怪，完全唔知想點…><我都整得好過佢！連招牌既牛肉餅都做得唔好…其他野都唔駛試…唔怪得咁冷清…睇怕都唔捱得好耐…雖則係早買ｄ有ｄ唔公平，不過人地ｏ個件去到紅磡都唔會咁…

男友食評－－

正宗o個間：幾好呀

新o個間：係咪壞架…我唔想食呀…唔會再幫襯

就算係正宗o個間佢都覺得只係吉之島$6個既水準，同大埔余曉記＄４個冇得比！

（相片後補）

減肥日誌~20070529

眼訓到爆…尋晚整蛋糕整到2點先訓…=0=

早餐：失敗朱古力海綿蛋糕幾啖（尋晚既第一底…）＋成功既朱古力海綿蛋糕皮一片＋樹上摘落黎既小蓮霧3-4個

午餐：茄汁中蝦+失敗的朱古力海綿蛋糕幾啖(就黎食晒喇! 好鬼實…不過食落又ok…唔捨得掉= =)

晚餐：預計會同就黎生日既朋友出去食（CAFE/鳳城）

本來唸住放工返屋企做下運動，不過照咁睇都係訓晏覺多…=0=

減肥日誌~20070528

尋日放假好放縱

一早起身就踩40分鐘stepper先啦~跟住唸住落街跑步, 送左爹地仔返工先, 勁曬~!仲驚緊中暑唸住都係算啦返屋企喇~食左個半包(大班芝士條新鮮出爐超級軟!+多個新產品唔知咩椰咩咩都唔錯啦~)2個都係肥包XD跟住唸住有氣有力可以跑啦~就行返去平時跑步個公園, 點知落雨= =仲愈落愈大…跑左一半都唔夠就返歸…由頭濕到落腳= ="

返到去食左個啤梨~之後仲食左D威化餅(雖然係我唔鍾意既朱古力味, 不過都食左十條八條…)

下晝去左整牙, 點知醫生睇完話唔駛整住, 上次補得好好, 遲D先…咁我就行去左清真牛肉館同隔離新開唸住頂佢既北京清真牛肉館, 分別買左4個牛肉包唸住比較下~(下回分解)

跟住就送左2個新鮮出爐既自製紙包蛋糕俾爹地仔~(見佢咁想食又叫我送外賣~^^出開九龍就整2個俾佢歎啦~)點知縮得好緊要好肉酸>< 仲要未攤凍就趕住入袋出門口, 去到又皺皮又濕= =")

淨係拎呢2件野俾佢太肉酸喇~唸住買脆豬肉乾架本來~不過結果買左牛肉包~去到食完就返歸開始工生日蛋糕喇~

運動：STEPPER 40分鐘+跑步+散步一陣

全日食左：大班芝士條半條＋椰子包大半個、威化餅好多塊、牛肉包３個、朱古力海綿蛋糕

（仲有冇呢？唸唔起喇）

減左一星期，冇輕到，都係121.X，唸住Ｍ完會輕啦～點知又冇喎～可能太穩定喇今次，呢個體重維持左２個月，冇咁快減倒？唔緊要啦～又唔係咁辛苦，依然可以食好野～只係做返運動～慢慢黎一定得～.\/.

Opera

一個想整左好耐既蛋糕~終於整左黎送俾一個就黎生日既朋友~^^

佢係第一個主動要求我送蛋糕既朋友呢~^^ 好開心 ^0^

第一次整呢種朱古力裝飾

第一次整珊瑚糖裝飾

第一次整牛油忌廉

未食過正宗既唔知似唔似, 不過其實只係比賽煩複, 唔算好難

個海綿蛋糕整左2次…第一次多手走去搵電動打蛋器打粉…搞到d氣泡穿晒=口=個蛋糕得返一半高度…都知死…未入爐已經準備再整過…

蛋糕脫左模之後再放返落去唔貼邊…整出黎4邊d醬唔齊…

唔知關唔關冇轉盤事, 蛋糕片片得唔平均…亦只係片倒6片…要埋底(定面呢?) o個片…:p

聽日拎去俾呢位朋友~^^ 再約埋另一位同樣都係好耐冇見既朋友食飯~

其實佢地都係幾年前識既網友, 只係見過幾次, 不過聽日收蛋糕呢位就成日有o係newsgroup傾偈^^

好鍾意整生日蛋糕俾朋友~唔知仲有冇人想收倒(夠膽收)我整既生日蛋糕呢~?^0^

名字的由來：（資料來源）

(1)據說歌劇院蛋糕，由1890年開業的Dalloyau甜點店最先創製，由於形狀正正方方，表面淋上一層薄薄的朱古力，就像歌劇院內的舞台，而餅面綴上一片金箔，象徵歌劇院裏的加尼葉（原是巴黎著名歌劇院的名字），因此得名。

(2)另一種說法認為這精精緻的千層蛋糕傳說是本世紀六十年代一位名廚叫加斯頓里昂雷(Gaston Lenore) 首創，供歌劇院的貴族享用，乃歌劇間場時給觀眾享用的甜點。

(3)又有說此款甜點原先是從法國的一家點心咖啡店所研發出的人氣甜點。因為超受歡迎、店址又位在歌劇院旁，所以乾脆將此甜點稱為Opera，法文的意思即為歌劇院。

後記：

好樣衰…d珊瑚糖食o個陣溶晒好似流汗咁= =（離開左雪櫃大約3個鐘)

去左鳳城食飯, 唔駛切餅費~~仲幫你拎埋刀叉, 阿姐又幫我地影相, 影左好多次:p

跟住知道係我整, 好搞笑咁話想試少少

食完返黎執野o個陣話"都幾好食~"XD

紙包蛋糕II

第二次整紙包蛋糕, 同返上次個譜, 不過今次記得開返上下火, 但係反而冇咁好樣…

送外賣去鋪頭俾爹地仔~不過唔夠時間攤凍, 放落袋又縮又皺又濕= =

Sunday, May 27, 2007

香蒜肉絲意粉

好開心~有人用我既食譜整野食~^^

其實我個食譜網唔係好多自創既食譜~呢個係PIZZA HUT既香蒜肉絲意粉, 因為男友鍾意食又好似幾簡單咁就試下自己整~冇搵過譜自己亂黎:P

材料 :

火腿3片
豬梅頭肉
雜豆走粟米<<<e?咁我打既?我記得好似冇落紅蘿蔔格?定係後來先走埋呢~?:p
蒜茸3/4湯匙
雞粉１茶匙
蒜粉適量
（可多加）
牛油１湯匙

醃料：
生抽、糖、黑椒粉少許、粟粉適量

做法：
1. 火腿及豬肉切絲；
2. 豬肉醃好備用；
3. 意粉用油鹽水烚熟，過冷河，備用；
4. 用牛油炒熟豬肉、火腿、雜豆，下意粉同炒，以蒜茸、雞粉及蒜粉調味即成。

覺得肉絲都係唔夠好味, 後來轉左用免治豬肉~同埋唔同牌子既蒜粉味道都唔同~開頭o個隻好食d, 後來買第二隻冇咁好味又鹹…

(其實呢個係幾年前既作品~^^" )

http://ourrice.com/~Scorpio3210/recipe10.htm#香蒜肉絲意粉

減肥日誌~20070527

2日冇做運動, 今日開始做返~

運動：stepper40分鐘(睇住日式麵包王, 2集o岩o岩好~^0^輕鬆快過~)

早餐：做完運動沖完涼食左個啤梨

午餐：出到鋪頭食左碗炸醬撈粗加底+白菜仔

晚餐：鹵水鵝+鹵水蛋+茄汁中蝦+韭黃鱔糊+蓮霧小片

宵夜：黑美人西瓜

Saturday, May 26, 2007

減肥日誌~20070526~校慶

今日校慶, 忙左個幾月, 終於完滿結束~^0^

預計今日會好忙(其實又唔係:P), 不過都要放鬆下開心下~^0^

早餐：蜜糖圈圈+高鈣低B奶

小食：校慶蛋糕一件走cream

午餐：KFC 3+4號餐(2個人分), 食左2上下脾各一件走皮, 菜絲沙律, 炸薯格, COKE LIGHT

小食：其實食唔飽：Ｐ返去又食左件校慶蛋糕走cream走生果+甜糠谷一小杯

晚餐：元氣壽司12.5件

其實都係未飽…XD 好得人驚XDDDD

小插曲：今日學校請左一間公司黎擺左D遊戲攤位，我負責影相, 期間撞倒一位老朋友~其實話老又唔係好老, 識左4年~佢係我從前一位實習學生既哥哥~佢細佬用佢acc @我icq而識既~都幾o岩傾~不過都有幾年冇見喇~我好鍾意佢細佬架~當年三年班我覺得好靚仔~^0^不過2個一d都唔似樣XD 佢話細佬依家變得好壞, 叫我話下佢~問佢點壞, 佢話成日發脾氣, 我話: 咁唔係壞喎…曳je~

影完相之後返去同佢吹水吹到佢收工~好開心~^0^

o係工作場合撞倒老朋友感覺好得意~^.^

Friday, May 25, 2007

減肥日誌~20070525

今日好辛苦…m痛左成日(其實尋晚已經好唔舒服訓得唔好…)仲要ot…一年先o一次…o左2個鐘…都已經比預期好…只左11個鐘就收得工, 最慘係要行要企, 有得坐都冇咁辛苦…>< 最後階段仲要唔知有咩做又唔走得坐晒o係度…

其實5點幾試過想走, 點知落到樓下俾人截返上黎::>0<:: 行動失敗!!

早餐：自製focaccia2片(約2xxkcal)+橙

午餐：蜜糖圈圈＋高鈣低B奶(約2xxkcal)+魚肉燒賣3粒+自製綠茶慕絲紅豆芝士蛋糕一件(用左light cream cheese同糖低, 可惜唔係light牛油同cream…)

6:00－－啤梨

7:30－－脫脂奶麥皮(約172kcal)

好支力好辛苦…聽日仲要返工…7:45-4:45同平時一樣…

是日休息一天唔做運動喇…平時返學放學都係行路, 今日都走左去搭小巴…就死…

早d訓…

(各位唔好意思喇…訓醒--可能係今晚或者聽日= =先re post zzzzzzzzzzzz)

7點幾碌到依家…訓唔著…:(

食左d魷魚片, 等緊daddy仔買鍋貼同包包我食~

結果食左一串牛雜:D~~~~2件鍋貼同一個包包~^0^好~開~心~啊~

Thursday, May 24, 2007

30G高粉=有143kcal @@

原來30G高筋麵粉已經有143KCAL@@

太可怕喇~!!我每次都整100G架!!!

仲未計糖同油!!

1g澱粉=1g糖?都係4kcal? 咁食糖好似抵好多…

香噴噴FOCACCIA(附食譜)

好耐冇搓過包喇~忽然想食focaccia, 於是趁放假搓左個~^^今次係第4次整呢款包喇~

唸住趁天氣熱唔開冷氣等佢發得好d~:p 身水身汗…仲大汗過踩stepper~~~^^"

焗FOCACCIA既香味~~ T^T
真係冇得頂呀~~~T0T
搓緊同發緊都已經好香~
一焗不得了!!! 香草黑椒加埋洋蔥散發既香氣~~
T~~~T 何其感動!!!
今次都發得唔錯~唔知口感如何呢~~期待期待~~~~
(雖然我已經食飽…^^")

做法
100g高粉+1茶匙酵母(我d酵母死死地所以落多d^^)+1.5g鹽+2g糖拌勻+60g水搓成糰, 之後+黑椒碎+雜香草+oregano, 再加6g olive oil搓滑，+洋蔥碎，發左45分鐘至約2倍大，排氣，按扁再發45分鐘，用手指篤凹洞，放洋蔥粒，灑黑椒碎+rosemary。200'C焗15分鐘至表面金黃即成。

食評（我自己既ＸＤ）

點算呀～個包好好味呀~~~我又想食晒佢喇~~~次次食親呢個包都忍唔倒口...＞＜

發現左30G有143KCAL呢個"秘密"之後, 切左3片出黎, 其餘入左袋…不過食完都唔夠喉…我已經食左成煲菜架喇!!!

唔得!要忍口!聽日先食!!>< 已經食左成300KCAL架喇!!

美腿

從前已經發覺，對於一Ｄ自己冇既野特別吸引～

中學時代既我，鍾意頭髮靚、瘦既、眼大鼻高、皮膚黑Ｄ既男仔，不過唔特別鍾意高既男仔。因為我都叫做高，不過頭髮唔靚、眼細鼻扁皮膚白。

最近發覺自己成日ｏ係街望人地ｄ腳，睇下邊對瘦邊對靚，基本上係冇望返向上既XD 有時見倒D熱褲美腿都不禁讚歎不已，不過同男友講，佢會話人似筷子^^"

我對腳可以話係全身最不滿既地方，減極都唔靚。以前成20寸大腿，依家大約18', 之前17'5, 以為會好瘦, 點知又唔係…著泳衣完全唔掂= = 小腿打側睇都OK, 正面睇頭尾細中間一節咁…好似蘿蔔…

我鍾意D冇咩腳瓜"o郎"既小腿~靚d修長d咁，不過中學有同學係咁俾人話二奶命…＝＝

對我黎講減肥最難都係肚腩以下--腩腩、PATPAT同對腳…上身減到有D肉酸，下身仲未達標＞＜

隔離屋個女仔對腳都好靚架～～成日著熱褲出黎晾衫倒垃圾A.A 好羨慕>_<

綠茶慕絲紅豆芝士蛋糕

聖誕o個陣同事整過返黎~睇見都複雜:p 不過我都有d想整~直至最近整左紅豆蓉, 就整一次啦~

話說早2日整左蛋糕底, 第二晚唸住整芝士同mousse 餡, 點知d cream俾我雪壞左…尋日先買返~尋晚又太支力一早訓左, 今日就趁放假整埋佢~

依家雪緊紅豆芝士, 一個鐘之後整埋綠茶mousse就搞掂~

呢種蛋糕同豆腐芝士一樣都唔知點裝飾好, 我覺得呢2種口味同生果係唔夾架~仲有榴槤又係唔可以用其他生果裝飾, 只能用朱古力, 金箔之類

今次整左四方形, 唸住整切餅, 因為唔係有咩事要慶祝而整, 所以整切餅方便d又唔駛咁多裝飾~

食譜來源：

美味DIY　（我用左light cream cheese同煮食用代糖, 1g約1.6kcal)

呢個係加朱古力葉前，入晒盒忽然覺得都係加塊葉好Ｄ，不過有Ｄ斷左…唔係件件有＝＝

減肥日誌~20070524~流汗日

今日出左幾次汗, 成個人好支力…

跑完步成身汗, 繼續踩stepper同原地跳…由底到面濕晒=0=沖完涼食埋野出去晾衫, 曬一曬又成身汗…

頭先唸住整個focaccia食, 又成身汗…唸住等d包發得好d冇開冷氣, 風扇又o係房…d汗仲勁過踩stepper…=口= 整麵包食可能係負卡路里…XD(原來個包成500KCAL XDDD咁我唸都幾難負卡路里喇…T^T)

依家開住冷氣食緊灼菜…又成身汗= =駛唔駛咁熱呀…

10:15－－半跑行35分鐘+stepper40分鐘+原地跳1000下(約10分鐘, 每200下停一停)估唔到原地跳都會小掩痛>< 究竟咩解救呀

12:45－－黑美人西瓜半個+橙

1:25－－yoga30分鐘

家務：見好天洗左3機衫，又好太陽又好風～唔駛一陣就乾～跟住仲用肥豬洗埋白白～哇佢個身真係熱到呢～～

整蛋糕時食左半份海綿蛋糕(1隻蛋+15g糖+25g粉+3.5g牛油約272kcal)

6:00－－灼娃娃菜一包３棵

9:00－－新鮮出爐自制focaccia3/5個+啤梨

估唔到70g高筋麵粉都有係300kcal, 點解咁高卡架~T0T 原來自制都唔係可以放心食…搞到我要忍口冇得食晒…

Wednesday, May 23, 2007

打算去澳門

唸住下個月尾去澳門, 五去六返~想搵間方便D既酒店~主要係去食野, 有冇邊間一落街唔駛搭車就好有野食呢?

減肥日誌~20070523

早餐：2啖好難食既梳打包+[蜜糖圈圈+高鈣低脂奶(約2xxkcal)]+西柚

小食：酸味味楊莓

午餐：泰米粉+橙

下午茶：(3點幾)梳打餅+高鈣低B奶，(5點幾)酸味味楊莓

運動：緩步跑約40分鐘+yoga約40分鐘

晚餐：黑美人西瓜半個+橙+啤梨

減肥呢幾日食少左加上做完運動好早就眼訓…今晚要早d訓喇~=0=

Tuesday, May 22, 2007

手風唔順的一天(芝士蛋糕、果醬、梳打包)

本來想整紅豆芝士綠茶慕絲蛋糕, 尋晚整左個餅底, 點知D cream唔知係咪放過落冰格又加熱過, 起…= =水油分離大部分倒左。見有d幾似樣既buttermilk吊butter分離左出黎, 就用左黎整梳打包, 一pat野咁…不過篤佢又軟軟地, 唔知好冇食…

中間想整楊莓果醬, 不過個味怪怪地, 有d似洛神花茶…結果入左房一陣就火農左= =倒晒…好在唔係落代糖…真係有唸過落, 不過驚影響效果(驚抽唔倒水)最終都係用返砂糖。

唯一有相睇既, 就係呢個扁達達只有35g粉既梳打包…

食評：試食左一啖，好軟喎又～不過好大陣梳打味…其實要落0.5g, 我應該落左1g...

後記：唸住早餐食，不過太多梳打粉, 一大陣梳打味…又苦, 結果咬左幾啖就掉左

另外：今次用左真正buttermilk, 可能係咁所以好軟～

一大盒whipping cream點儲存?

1L裝真係抵好多, 不過放下格又唔等得耐, 咁想住試下放上格啦~原來係唔得既…雪完放下格解凍之後變左水油分離, 好似打過龍咁...打極都打唔起…

結果用左D butter milk黎整左個34g粉既梳打包= =

減肥：負卡路里是食物燃燒多餘的脂肪... 例如:蘋果,含有50卡路里,不過需要用75卡路里來消化和吸收它，也就是說你身體會消耗額外的25卡路里,所以當你主要的食物屬於負卡路里食物,你的. 減肥速度會因此加快二至三倍。

食負卡路里的食物....越食越瘦!!!!!!!!!!!!!!!!!!~~

有蔬菜、生果和果仁類食物
　　
蔬菜類：茄子、甜菜根、西兰花、豆芽、椰菜、萝卜、椰菜花、芹菜、糖白菜、绿豆、韭菜、生菜、冬菇和洋葱等。

　　生果類：
　　苹果、杏仁、香蕉、樱桃、红莓、西柚、葡萄、番石榴、奇异果、荔枝、芒果、木瓜、士多啤梨和橙等。

　　果仁類：
　　巴西果、栗子、椰子、夏威夷果、花生、松果、核桃等。

　　小贴士：
　　1.只有那些生吃或不用煮得太熟的食物、新鲜的水果和果仁，才具负卡路里作用。
　　2.经晒干、腌制过、烧烤过以及制成罐头的食物，则不会具有负卡路里作用。

減肥日誌~20070522

唔知今日乖唔乖, 不過都打左先啦~

頭先去左睇KEEPFIT BLOG~而唔係COOKING BLOG~唔通我個BLOG又要轉型~?

早餐：雜錦果麥+燕麥鈣思寶+啤梨（果然係冇飲奶咁飽）

小食：橙（十點幾已經好肚餓）

午餐：泰米粉+橙

下午茶：２點就肚餓…飲左盒高鈣低B奶都冇用, 個肚又好多氣咁…跟住食多包梳打餅

點知放工又冇厘精神又見餓, 買左個腸仔包食~精神晒^0^

運動：返到屋企踩左半個鐘stepper+半個鐘yoga+原地跳300下(見癲后跳繩跳得咁過癮~我又試下~不過冇繩...做完之前2樣運動之後跳左300下都幾支力下, 雖然只係大約3分鐘既事…)

運動前煲落湯~只係煲左個幾鐘，做完運動有得飲～

晚餐：青紅蘿蔔粟米煲牛肉連湯渣

牛肉湯真係清好多呢～我ｏ係惠康買左十蚊唔夠既牛肉同一個湯包，得好少牛:p

會心微笑．乖寶寶

心情本來麻麻, 不過返到屋企見倒你地同個大心心~笑左出黎~^---^

媽咪錫晒\^333^/

Monday, May 21, 2007

減肥日誌~20070521~今日順利過渡

早餐：雜錦果麥+高鈣低脂奶1盒+啤梨

午餐：泰米粉+橙

晚餐：烚菜一碟+橙x2

運動：stepper 30mins + yoga 19mins

好耐冇打過減肥日誌~本來都冇唸住post, 不過見今日咁乖就post下啦~XD

咁耐冇踩STEPPER, 又唔覺得好辛苦喎; 但係YOGA就有難度喇…07年都未做過咁滯…好多動作唔記得左…又硬晒…=0=加上前日跑完冇拉筋今日大脾筋好痛…平時拉得好輕鬆o個d位反而好痛…><

Sunday, May 20, 2007

再見不再見．海人

海人

再見不再見．巧遇薯爸薯媽

再見不再見

約左mauph同mecca睇彭秀慧。

其實我入場前冇留意究竟齣劇係講咩，買飛，只係因為－彭秀慧。鍾意睇佢做戲，不過最鍾意睇佢跳舞，令人著迷。

到目前為止，令我最有好感既話劇依然係舊年同mauph睇既《29+1》，今次一樣係kearen既獨腳戲，睇佢個blog知道有新劇上，即刻約佢地睇～

謝幕時，佢講左段說話，話有朋友以為呢齣係講愛情，睇完後話講友情都幾好睇。佢話佢好有衝動想話俾對方知，佢唔係想講友情…「ｍｍ...我會繼續努力架喇…」。其實我睇完都覺得當中好大部分係講友情，不過可能友情只係佢用黎帶出佢要講既野既手段，當中有友情，不過尚有更多。

我並冇陸詠端同張家敏呢種無時無刻相伴左右並同成長既密友，我唔明白點解好朋友掛住拍拖忘記自己生日點解要喊，唔明白好朋友出外留學o個種傷心欲絕難捨難離。不過我明白「再見」/「不再見」(永別)係咩人回事。生命中有好多人流入過，又流走左，中學同學小學同學大學同學，仲有幾多有聯絡？我從來唔覺得特別可惜，朋友既野係一代代換架啦，有緣既始終會再見，有心既唔會失去聯絡，失去，大部分係因為我地根本冇珍惜，又或者明明可以搵返，又冇著手去搵。

o岩o岩經歷左人生一次「永不再見」。陸詠端繼續寫信去張家敏外國既地址，試圖藉此忘記好朋友身處醫院，已經唔係當日活潑美麗既可人兒。有ｄ野唔想面對，就厄自己事實唔係咁。舊年外公過身，我過左好幾個月先真正用網誌記綠呢件事。似乎，唔將佢記落黎，唔去面對，就好似冇發生過。假如，真係可以厄倒自己，其實都無可厚非。

買左sound track。主角話佢寫作鍾意聽住歌羅靈感，我都覺得音樂好影響一個人唸出黎既野，就算係睇書睇漫畫，有o岩既背景音樂陪襯之下睇既都唔同d。其實唔係全部歌都鍾意，不過我買碟向來有1, 2首好吸引我都會買。(雖然已經好耐冇聽歌, 更耐冇買碟…:p)

sound track入面第一頁寫到：人只會記住自己想記既，愈想忘記愈忘記唔倒。

巧遇薯爸薯媽

同mecca入場先，今次坐堂座第三行。未坐低已經聽倒有人嗌我，原來係blog友薯爸薯媽*0*佢地坐我地後面！

聽倒薯爸嗌我～好"橋"呢~~我地都係第一次撞倒~其實可能我第一次睇日場, 睇既劇又唔係多, 所以好少機會撞倒佢地~^^" 我仲問薯媽認唔認得我~估唔到佢都認得我呢~因為一路都係薯爸黎留言多~ 我仲捉住佢地同我影相~^0^

其實我第一次撞倒blog友呢~~~好得意好好玩~^皿^

FLYING PAN

好耐之前聽她他她知道港島有間24小時食早餐既鋪頭, 不過一直冇留意佢叫咩名或者o係邊, 今日約左mauph同mecca睇《再見．不再見》, 約左一齊食lunch~原來mecca就係帶我地去呢度~*0*

flying pano係一棟大廈既3樓, 我地仲傻下傻下行上去...點知去到見倒mecca出lift＠＠

4個人, 嗌左一個2人餐-4X4X4 Monster Pan(見佢有2杯細野飲所以估佢應該係2人餐XD), 一碟3文治+一碟WAFFLE。

個餐有4塊煙肉, 4小件漢堡扒, 4塊多士, 4隻炒蛋, 1個開左2既煎蕃茄,2小杯/1大杯果汁, 1小碗什果, 仲有2個自選小碟, 我地揀左田園沙律同茄汁豆。都唔錯, 最正係好多野食咁, 好開心~

三文治係蕃茄芝士治, 成份連蕃茄芝士一齊烘, 原來熟蕃茄夾三文治好正喎~下次自己試下先~
:D~~~~~~~~~

不過WAFFLE就麻麻, 有3大件, 我地將佢分成四份, 佢跟2隻煎蛋同一杯野飲, 有2款汁--藍莓汁(好稀唔可以叫醬), 同埋糖漿, 不過個餅本身有D苦...似係發粉多得滯o個陣味…

mecca唔飲果汁, 另外嗌左壺伯爵茶, 唔知好冇飲呢?

呢度伙計客人都係外國人(除左我地), 同埋今日黎講都好多人~其中都不乏靚仔既~哇哈哈哈~

埋單每人$57~呢d地方黎講, 比想像中平~唔錯唔錯~~

P.S. 我地仲o係度食埋盒

自攜芝士餅~^0^冇俾人話~幾好幾好~^皿^

伴手禮~焗紅桑子芝士蛋糕

用返之前整藍莓芝士蛋糕個譜, 減左D糖整呢個紅桑子芝士蛋糕~帶左4件俾聽日一齊睇話劇既blog友~mecca同mauph~^0^ 希望佢地鍾意呢~~~

好緊張~~>< 唔好咁大期望 ^^"

加左金箔果然易對焦D XD

後記 :

今日去左flying pan食24小時breakfast, 仲o係o個度食埋餅:p 反應唔錯, 佢地仲好認真咁周我計堆開鋪賣餅要幾錢XD 希望佢地真係覺得好味, 唔係TUM我啦~^.^

檸檬烤雞

跟肥媽私房菜

雞用蒜茸, 醬油, 檸檬汁一個, 月桂葉一片(我冇落), rosemary醃半個鐘(我試味見鹹鹹酸酸咁, 加左d糖, 醃左一晚)

焗之前o係焗盤放薯仔粒1個, 洋蔥圈1個, 蒜頭4粒, 乾蔥4粒, 加埋醃雞汁。

雞放架上, 等佢d汁滴落個焗盤度。

食譜話大火焗45分鐘, 我用左220轉200度焗左大約40-50分鐘。中途反左一次。(原食譜係要將隻雞攤開。)

酸酸地, 開頭食好怪, 男友話佢唔buy, 佢唔鍾意酸, 連西檸雞都唔鍾意, 我食食下又覺得幾好味:p 我鍾意酸^^

我最鍾意d洋蔥, 佢就鍾意蒜頭~

好紅豆既紅豆雪糕

之前提過麻麻地雪糕既我, 只愛三種口味~薄荷碎朱古力, 吉士布甸同埋紅豆~~~可以自己整真係VERY GOOD呀~^0^

用自己整既紅豆蓉+甜忌廉整左紅豆雪糕~好正呀~~~好紅豆架~~^0^ 完全係我要既味, 同o岩o岩整出黎既紅豆蓉(好似紅豆沙味)唔同架~^0^

呵呵呵~

用攪拌機整出黎一d都唔似雪葩, 好雪糕呢~又唔駛成日羅出黎攪攪到有菌~方便好味~^.^

哀悼朱古力雪糕

同紅桑子雪糕差唔多, 今次落左好多煮食用黑朱古力, 不過可能亦係因為落得太多既關係, 味係好夠, 不過太硬...變左朱古力而唔係雪糕, 加熱加返d cream再攪, 男友又怕有菌, 結果成兜倒左...

只係晏晝未完全雪硬之前筆左杯黎食, 似朱古力mousse而唔似雪糕><

Saturday, May 19, 2007

只此一球紅桑子雪糕

o個頭話減肥, 呢頭整雪糕^^

今日整左3種口味, 先黎朱古力~再黎紅豆, 不過先出場既係最後整既紅桑子雪糕~~

因為剩返好少cream, 所以只係整左少少, 加上我論論盡盡整跌左d= =得返一球XD

紅桑子果醬+甜忌廉, 放入攪拌機攪勻雪硬就食得~

甜甜酸酸好好味呀~

:D~~~~~~~~~

唔減唔得喇!!!

今年冇做過運動...除左3月頭食左2星期西柚餐之外幾乎完全冇減過肥....

唔知點解硬係的唔起心肝...

依家去返121喇...

之前大半年KEEP住11X, 新年過後冇耐去返121(BMI 19.56), 跟住食西柚餐減返又肥返, 好在冇再重落去...呢2次上磅都驚去到125!!

不過腰腩PAT都肥左=0=面都肥埋.....

已經有23.X腰, 29腩, 34.5PAT去到2家既25.5腰, 30.5腩, 35.5PAT喇~T口T!!!!

但始終未想食返舊年減肥食既野...唸起都灰...

所以要做返運動喇~~

頭先去左跑步...好辛苦呢~~大熱天時, 最慘係小掩痛...

其實都係游水O岩我D, 起碼唔會呢度痛O個度痛...不過要搭車....又要就時間.....又悶.....仲要睇天氣...

不過都冇計喇~!唔減唔得喇~!!

P.S.我大約係168cm高(因為好多時睇完磅數我都會問人幾高, 所以我O係度補充埋XD)

Friday, May 18, 2007

麻婆豆腐+韭黃炒蛋

麻婆豆腐

呢排天口興, 一向唔食辣既我忽然好想食辣野~o係學校會煮泰米粉~返到黎都煮d辣野先~

不過冇買辣椒仔, 費事用唔晒, 落左辣豆瓣醬, 點知唔辣既…不過都幾好味既~第一次整~:p

上網搵左d譜, 落左蒜茸, 老抽, 雞粉, 豆辣醬, 糖, 生粉, 麻油, 水, 預備左個芡汁, 爆香蒜頭炒炒醃好左既免治牛肉, 豆腐洗淨切丁飛水, 牛肉熟左之後加芡汁同豆腐兜勻~搞掂~

蘇c黃教煮牛肉碎要加d水一齊醃, 煮o個陣又加d水煮, 攪攪佢, 咁就唔會一舊舊喇~

韭黃炒蛋

好鍾意食韭黃, 又鍾意食炒蛋~2樣加埋就o岩晒我口味~不過我知好多人唔食韭黃...

中學時代介紹過個同學煮呢味送, 佢都話好味~點知佢屋企人唔鍾意…

Thursday, May 17, 2007

九戰日本棉花蛋糕

棉花／綿花？　我發覺好多blog友都打左綿花蛋糕呢XDDD

今次用左高身模, 中間爆左...倒扣完凹左...= =

唸住用易潔模試下唔放牛油紙...原來係唔得既...好難甩模....切開左先慢慢剷佢出黎...=0=

始終未成功...點搞....

用返焗盤會唔會好d? 但一次要整成份...

見人地用高身模都ok, 好挺身下...

唉………

雖然比之前絕次軟又冇分2層, 不過就依然係縮, 同埋同第八次一樣好大氣孔...

九次喇...原食譜話呢個係一個好味而難做既CAKE...果然好難呀~>0< 點解人地咁易架~~~

開頭D失敗作男友同同事都話好味, 不過我一星期整左七次, 食到男友怕怕XDDD

後記：雖然樣衰衰, 不過同事見倒好開心~話: 我地最鍾意食呢個~^^ 仲叫人唔好食晒~留返D俾佢^0^

前八戰－－

第八次, 學左fold in既手勢, 用個4吋模整左個1/6份, 材料太少好難睇倒成唔成功…不過已經冇分2層喇~

第七次, 下次要晨早整蛋糕都係早返半個鐘起身好, 今次夠時間焗不過冇時間攤凍…今次打蛋打得好左, 打到幾硬下不過溝蛋漿o個時又好順利, 唔知係咪同我落多左鹽有關?焗出黎好靚仔~不過倒扣完都係縮左一半有多…同埋個面好濕…點搞呢…?口感軟棉, 不過偏濕。o岩o岩試多啖~真係有棉花糖feel喎~*0* (紙盤)

第六次, 俾我切左個底XD變得好薄, 今次同事既反應係冇上次咁香蛋味同埋太薄, 可能因為我切左D既原固(紙盤)

第五次, 同之前差唔多, 第一次俾同事食, 反應出奇地好, 仲encore~@@(自製左個蛋糕紙盤, 半個焗盤大小)

第四次:蛋白打得再短時間d, 仲有d流動性就停手, 唔知會唔會打唔夠? 之後攪埋粉漿攪唔勻?(用第一次O個個蛋糕模, 加牛油紙)

第三次：蛋白打得冇咁耐，冇咁硬，易攪勻左，不過用左一半份量但又用同樣大小既焗盤…所以焗出黎好矮。不過已經比第二次進步，用左一半份量材料，整出黎一樣高XD今次食落終於似返蛋糕(一半份量, 同樣用大焗盤)

第二次：牛油麵粉加蛋ｏ個陣逐隻蛋落，好快攪勻，不過同第一次一樣…蛋白打發過度，打到企晒身…好難攪得埋ｄ粉漿…焗出黎同第一次一樣…死實實(唯一一次整全份, 用大焗盤)

第一次：牛油麵粉＋蛋ｏ個陣ｄ蛋一次過加…攪左好耐先冇粉粒…焗完出黎倒扣左都好快塌…死實實

自製紅豆茸

其實仲未知會用黎整咩, 包紅豆買左好耐, 尋晚浸好今日放工返黎蒸左個幾2個鐘先淋~加糖, 攤凍之後有光澤架~~*0*

不過陣味唔似日本O個隻紅豆茸, 好紅豆...我鍾意日本O個隻味呀...

會唔會關紅豆事呢?會唔會唔係用普通紅豆?定要落其他野?

(相片後補)

之前同事俾左包紅豆茸我, 其實好多野都唸住過, 想整豆沙餅啦~紅豆芝士綠茶慕絲蛋糕啦~紅豆西米等等~

芒果雪糕

前年整過好複雜既雪糕，今次呢個係簡單版！

整cream cake用剩d打好左既cream+1個擺左好耐既芒果, 2者攪埋放冰格, 雪半個鐘拎出黎攪一攪, 如是者攪幾次就完成~

呢個係前年整既版本

香橙乳酪雪糕
材料：
蛋黃 (打散)3 隻
糖3 湯匙　
忌廉或鮮奶或淡奶200 毫升
純乳酪500 毫升
砂糖適量
香橙香油數滴
做法 :
1. 蛋黃與糖打至奶白色。
2. 將鮮奶/忌廉/淡奶煮熱至邊起泡（不要滾），熄火，把奶續小續小倒入蛋液中，攪勻，然後倒回中，慢火煮杰，一定要不停攪拌，否刖會燒焦，大概十五分鐘，至木匙背面能沾起雪糕漿。待涼
後加入雲呢拿乳酪攪勻。
3. 將雪糕漿倒入雪榚機。如沒有雪糕機，將奶漿倒入盛器，入雪櫃大約40分鐘，取出用電子打蛋器把空氣打入雪糕漿，再雪至較硬。

小貼士：
1.可配朱古力醬。
2.如買士多啤梨乳酪，可再加半茶匙士多啤梨香油，整士多啤梨乳酪雪糕。

食譜來源：http://www.leisure-cat.com/frm_1178.htm ~ 阿貓

五花茶

為韓燒作好準備～

尋晚放工返黎煲左煲五花茶～準備食完韓燒返黎清清熱～

Wednesday, May 16, 2007

士多啤梨

蛋糕有左士多啤梨真係生色不少

可惜有好多人唔鍾意食...話靚就好靚...

其實我幾鍾意食的, 酸酸地配埋D甜既蛋糕/PANCAKE皮都幾夾丫~

胃腩與bra

胃腩大會俾個bra cool住既咩?@@ 我就算食到個肚大左5寸(冇錯!我係可以一餐食大5寸
的!!XD) 都唔會cool個喎...個bra點會戴到落個胃度架!!??@@

加起薪點?

知道呢個消息之後, 覺得好煩惱…正想話考慮轉行佢又搞D咁既野...拉力大左好多...不過相信呢個方案一出, 市場競爭又會大好多....好煩...

今朝上JUMP睇過, 依然係好少請小學CM既廣告, o岩科既更少…又未過基準...

煩………

行政會議今日通過，為若干文職職系訂立新基準和新入職薪酬，而紀律部隊職系亦調整新入職薪酬。政務官的入職薪級由總薪級表22點(26540元)，升至第27點(33355元)，增加6815元(約26%)。小學學位教師的起薪點由16165元，加至20865元，政府律師由33355元，加至41965元，會計主任由15215元，加至19860元。。工人、技工、司機沒入職點沒有調整，但基層公務員入職點就微增加一個薪級點。