再見不再見
約左mauph同mecca睇彭秀慧。
其實我入場前冇留意究竟齣劇係講咩，買飛，只係因為－彭秀慧。鍾意睇佢做戲，不過最鍾意睇佢跳舞，令人著迷。
到目前為止，令我最有好感既話劇依然係舊年同mauph睇既《29+1》，今次一樣係kearen既獨腳戲，睇佢個blog知道有新劇上，即刻約佢地睇～
謝幕時，佢講左段說話，話有朋友以為呢齣係講愛情，睇完後話講友情都幾好睇。佢話佢好有衝動想話俾對方知，佢唔係想講友情…「ｍｍ...我會繼續努力架喇…」。其實我睇完都覺得當中好大部分係講友情，不過可能友情只係佢用黎帶出佢要講既野既手段，當中有友情，不過尚有更多。
我並冇陸詠端同張家敏呢種無時無刻相伴左右並同成長既密友，我唔明白點解好朋友掛住拍拖忘記自己生日點解要喊，唔明白好朋友出外留學o個種傷心欲絕難捨難離。不過我明白「再見」/「不再見」(永別)係咩人回事。生命中有好多人流入過，又流走左，中學同學小學同學大學同學，仲有幾多有聯絡？我從來唔覺得特別可惜，朋友既野係一代代換架啦，有緣既始終會再見，有心既唔會失去聯絡，失去，大部分係因為我地根本冇珍惜，又或者明明可以搵返，又冇著手去搵。
o岩o岩經歷左人生一次「永不再見」。陸詠端繼續寫信去張家敏外國既地址，試圖藉此忘記好朋友身處醫院，已經唔係當日活潑美麗既可人兒。有ｄ野唔想面對，就厄自己事實唔係咁。舊年外公過身，我過左好幾個月先真正用網誌記綠呢件事。似乎，唔將佢記落黎，唔去面對，就好似冇發生過。假如，真係可以厄倒自己，其實都無可厚非。
買左sound track。主角話佢寫作鍾意聽住歌羅靈感，我都覺得音樂好影響一個人唸出黎既野，就算係睇書睇漫畫，有o岩既背景音樂陪襯之下睇既都唔同d。其實唔係全部歌都鍾意，不過我買碟向來有1, 2首好吸引我都會買。(雖然已經好耐冇聽歌, 更耐冇買碟…:p)
sound track入面第一頁寫到：人只會記住自己想記既，愈想忘記愈忘記唔倒。
同mecca入場先，今次坐堂座第三行。未坐低已經聽倒有人嗌我，原來係blog友薯爸薯媽*0*佢地坐我地後面！
聽倒薯爸嗌我～好"橋"呢~~我地都係第一次撞倒~其實可能我第一次睇日場, 睇既劇又唔係多, 所以好少機會撞倒佢地~^^" 我仲問薯媽認唔認得我~估唔到佢都認得我呢~因為一路都係薯爸黎留言多~ 我仲捉住佢地同我影相~^0^
其實我第一次撞倒blog友呢~~~好得意好好玩~^皿^
好同意"愈想忘記愈忘記唔倒"，自己經歷過了！
ReplyDeletecherub, 人生不斷經歷忘記與忘不了
ReplyDelete哈哈,真係橋啦,仲要坐都咁近,不過原來妳都幾高喎!!! 薯爸
ReplyDelete我在想: 會不會某天, 我跟你也在街上相遇? 或者, 我會看得見我,而我不會看得見你。 如果到了這一天,請叫我 懶貓 ( 或 阿 cat / 阿賴 ) 我看不見你的原因是: 我行街時習慣不抬高頭的,所以比我高幾吋的女生我是不太留意的cc^^
ReplyDelete《29+1》有CD賣？自從有下載，我都好久無買碟，除非係我o既偶像或好聽到死先買！舞台劇我唔係成日睇，而家我最欣賞o既演員係黃慧慈，佢曾經係上年尾重演《德齡與慈禧》粵語版中飾德齡（國語版由焦媛飾），結果係上年年尾o既香港舞台劇頒獎禮上得最佳女主角！
ReplyDelete懶貓, 哎呀~我既習慣都係唔望人XD 其實我唔係好望倒...(近視又唔戴眼鏡…)今次都係薯爸嗌我咋:P 不如我地約出黎玩啦~~XD
ReplyDelete茜茜, 29+1唔知有冇CD賣呀, 你係咪指sound track?我其實係話買左再見不再見既sound track~ 我都睇得好少話劇咋, 只係睇過彭秀慧同三角關係劇團, 你又o岩架? 我地遲下可以約埋一齊睇丫~^^
ReplyDelete(hi ，我叫 grace ，主要負責替 kearen 搜尋有關《再見不再見》演後回應。現替 kearen 代貼她的邀請 )
ReplyDelete你好， 我是彭秀慧， Kearen。 非常謝謝你的comment。
過去兩年我創作了兩部個人劇場作品，《 29+1》和《再見不再見》。可能整個製作都是自己編寫、演出，我發現，這兩部作品和其他演出最大的分別是我和觀眾的關係。過往的演出，觀眾的反應都是﹕好呀，好看呀，幾好呀…等等。然而，當《再見不再見》推出後，我陸續收到不同人的電郵或看到他們的blog，有時是寫他們的觀後感；有時是從這個故事伸延到他們自己的故事。有好幾次，我都因為這些分享而感動。那時我才發現，原來 我們的身份不只是表演者和觀眾，還是朋友。
《再見不再見》將在十一月重演， CUP 出版社將替我發行《再見不再見》創作記錄一書，紀錄這個製作的創作過程和點滴。可以將劇場的演出演變成文字，將創作，還有觀眾的回應，紀錄下來，這無論對我或對香港的劇場來說，也是十分重要的一步。 謝謝你過往欣賞我的演出以及給予我難能可貴的分享。 再次翻看你所寫的東西時，我十分 希望能將你的文字 放在書裏成為其中一部分。 將觀眾們的心聲轉化成能量，希望你可給我一個互相分享故事的機會。 Kearen
P.S. 書中將包括credit，請列明你所希望出現的名字啦～ 謝謝！！
如有任何疑問，歡迎電郵至﹕
goodbyebutgoodbye@kearenpang.com , 謝謝﹗