最受歡迎蛋糕選舉

其實係o係我今年整過返學校請同事食既4個裝飾蛋糕之間投票。
~{1}~

第一次用朱古力寫字同埋畫朱古力公仔, 畫左佢鍾意既黑白豬~

~{2}~

第一次整charlotte, 第一次整芒果mousse caje, 第一次縛絲帶裝飾~同埋用左戚風底

~{3}~

咁出名既焗藍莓芝士蛋糕我都係第一次整, 第一次整金箔裝飾

~{4}~

第一次用甜忌廉整餅, 第一次整有紋既朱古力片

結果~

有3個最鍾意{2}芒果慕絲蛋糕, 3個最鍾意{3}焗藍莓芝士蛋糕~(當中包括我~)

鍾意{2}既同事第二位都係鍾意{1}豆腐芝士蛋糕, 而鍾意{3}既同事次選都係今次呢個{4}士多啤梨忌廉蛋糕~~

同事意見~

{1}清清幾唔太甜又唔太漏。 唔係好食得出豆腐味。

{2}我自己印象幾模糊, 記得個芒果好似唔夠芒果味, 得個甜字, 手指餅又淋左變蛋糕…

{3}好濃芝士味。不過亦有同事話漏。鍾意既同事話食少少, 上次咁既份量ok。

{4}唔鍾意食士多啤梨, 雖然係靚。唔鍾意層朱古力脆脆, 好硬…我都覺得唔脆, 但又有同事話ok。麻麻地鍾意cream。

其實我自己最鍾意食呢個5號佳麗~尋晚一個人KO左成個@@不過呢個同事冇試過所以唔入選~呢款真係母親節蛋糕, 而且唔帶得出街=0=

呢個係第一次整朱古力扇, 第一次用叉整花紋, 第一次整朱古力片圍邊~

我發覺我未整過朱古力蛋糕返學校~下次可以試下~(其實已經有目標, 不過怕等唔切下一位生日~XD)