初會yamaha

幾個月前o係Yblog識左一個減肥減到直頭可以做代言人既女仔, 原來佢好細個, 而且仲係O係廣州讀書~識左冇耐就唸住約出黎, 不過佢當時即將返廣州, 結果等到5月黃金週, 尋日返黎我地就約左今日見面~

本來唸住帶佢去九龍城買包包~不過由於交通不便, 結果我地去左行旺角, 行左兆萬, 佢仲陪左我去上海街買模, 同埋二記買材料~我又陪返佢去何文田買佢至愛既包包~我自己都買左幾款曲奇試下~睇下自己O個D似唔似樣~:P

上星期開始突然冇左整包癮, 加上時間關係, 只係整左個芝士洋蔥煙肉muffin過佢, 同埋帶左尋晚整得最好(即係你地見倒)o個個macaron俾佢, 希望佢鍾意啦~^^ 收倒佢特別幫我搵既粟米味大白兔糖好~開~心~^0^~ 睇谷見倒話好好味~香港又冇得賣, 之前阿媽返深圳叫佢幫我搵都搵唔倒~今日終於試倒喇~^0^好野~~\^0^/ 佢仲買左包酸奶味俾我~^皿^

不過睇衫睇模都係我睇多, 唔知有冇悶親佢^^"

問左佢d減肥經歷同感受, 110kg減到4xkg對我黎講實在係不可思議!!!*0* 實在係好有決心同毅力呀!!!

yamaha: 我可唔可以post我地張合照呀~?

(大白兔糖同曲奇照片後補~~)