好耐冇寫過減肥日誌喇, 由聖誕前開始狂食到依家, 重左8磅>口<
輕下重下咁, 早幾日118.x, 今日又去返121.2!!!重過尋日2磅, 前日3磅!!!!!嚇死人咩!!!!!
今日第7日係減重超速期既第1日, 開始返減肥, 至少都減5日先(星期六親戚黎香港要招呼佢地), 今日第一日好唔慣=0=囉囉攣咁...
睇返人地減肥食既野同埋自己之前減肥食既野都覺得好少好辛苦咁...呢排日日食零食, 蛋卷呀~乜酥物酥咁食唔停!今日要戒返口好唔慣><雖然唔餓, 不過個心囉囉攣咁...
早餐：麥皮
午餐：壽桃牌無油河粉、橙
運動：急行35分鐘
晚餐(5點幾=0=)：西洋菜一扎、焗秋刀魚２條、米線
運動：急行25分鐘+pilates 1hr+急行25分鐘
十點幾：橙
雖然減肥戒甜戒油, 不過今晚都搓左個包種, 聽日整法包, 冇牛油, 極低糖(其實唔落都得, 不過有助發酵, 落左1g)
你好呀！你點識路黎架？
ReplyDelete唉~~點解女仔咁易......=.="我停左占2個月,重左好多...好明天開始做占
ReplyDeletehi pri, 我係o係其他cook blog link link下link左去你度架~^^
ReplyDelete金順，我唸都係一個個，我見好多人狂食完都話好彩冇重到：ｐ我本身就易肥易瘦，同埋呢個月實在係過份啦～^^"
ReplyDelete原來係咁~~~多d黎坐啦~~~
ReplyDelete呢個方法好似好。。。。。
ReplyDelete你有無落佢d調味料呀, i mean 個河粉....
ReplyDeleteko chun, 你指既係...
ReplyDeletepri, 我會架喇~^^你都係呀~
ReplyDeleteyan1984, 我一向都落粉唔落醬同油
ReplyDelete我都係呀！佢包油肥爆！
ReplyDelete暴肥暴瘦唔健康架，要keep住嘛，就算減都要注意營養呀
ReplyDelete泰山不倒, 我都知, 不過我係咁, 本身為食又大食, 一唔減就食食食 :p 其實8磅都唔係肥返好多, 都係粗左半吋倒, 今日又輕返2磅
ReplyDelete我又係今日開如番減肥行動喎...大家一齊努力呀
ReplyDelete蠍蠍﹐加油啊~~~努力啊~~~
ReplyDelete嘉露, 咁你會唔會將你既大計放上blog架~ 冇錯~一齊努力呀~~
ReplyDeleteyanyan, 知道! 我地學校1/2學生影畢業相, 我地職員都影大合照呀, 上年係最肥既時候影, 今年要最瘦咁影!.\/.
ReplyDeletepri, 你又怕肥架?
ReplyDelete蠍：邊個女仔唔怕肥架？
ReplyDeletepri, 食唔肥既女仔咪唔怕肥囉~(我上次做姊妹個新娘就係咁, 結婚前完全冇減肥) 仲有豁左出去既女仔都唔怕XD
ReplyDelete