餃子

呢幾日冇咩想食, 係想食餃。

其實屋企有包即食蒸餃(鍋貼), 前晚已經蒸左半包黎食~今日唸唸下都好耐冇包過, 今晚包都好喎~

細細個阿媽包餃子都會預我, 阿媽教落十蚊半肥瘦+蝦仁+韭菜, 調味撈勻, 包得~

今日開完會, 冇行過街市, 就咁O係惠康買左D瘦梅頭(一包絞碎, 一包未絞, 冇半肥瘦咁肥又冇瘦肉好乾咁實)再加3蚊韭菜, 2蚊芫茜同1包魚肉。包左2款餃餃--

香茜魚肉餃同韭菜餃。

包之前試左味, 覺得香茜鹹左少少, 結果出黎效果係剛好, 而韭菜反而淡左D。

我鍾意食烚餃, 而且覺得香茜餃煎好似唔多夾, 於是先烚左頭輪等佢返黎。留返D韭菜餃睇下佢想煎定蒸定點, 又可以有D野食住先~結果都係烚, 方便D~

其實係之前食灣仔碼頭水餃發現香茜魚肉好似幾夾, 如果減肥既話, 可以試下唔加豬肉。

之前試過菜甫豬肉餃都OK架~不過唔好切咁細粒, 有D咬口好~^^

試過洋蔥牛肉餃就麻麻, 估唔到洋蔥出到黎唔多香, 牛肉又乾D實D, 或者撈一半豬肉好似整漢堡咁效果可能都唔錯, 但洋蔥就本身太多水; 雞肉餃都係偏乾偏淡。