元朗恆香餅家

尋日難得元朗，除左去食Ｂ仔涼粉之外，仲黎左呢度買手信！

買左半打

老婆餅去男友屋企、一包大雞仔餅俾自己、一包合桃酥同埋一盒杏仁餅俾男友！佢Ｄ野都唔平，雞仔餅１２蚊幾件、合桃酥８蚊４件、杏仁餅同老婆餅就唔貴，分別係２０蚊一盒１２件同２１蚊半打。

味道方面又幾好味喎，老婆餅唔同平時出面食Ｏ個Ｄ，餡好軟熟；杏仁餅其實我本身唔好，好乾，不過佢又唔會，仲好香杏仁味，我覺得好食過澳門o個d；合桃酥好香好鬆脆、雞仔餅就一般，都唔錯。

另外仲買左一件紅薑皮蛋酥同綠豆條，紅薑好特別，有機會會再買！分別係３蚊同2.5。