昨晚又一隻走了…
早兩日仲見佢跳黎跳, 但睇過有水又有糧, 佢仲係唯一一隻識捐入襪襪度既, 都唔知佢嗌我咩事, 原來係想同我say bye?
尋晚如常呢左入襪襪, 搵手摸下佢, 冇反應, 心知不妙…
佢呢左o係入面, 面向裡面, 好安祥咁雜開左…
佢係尾二一胎寶寶, 計計下應該都過2歲喇, 年紀都唔細, 呢胎依家只係剩返一隻
覺得佢好生性, 自己呢入墳墓長眠...所以感受比較深...近幾個月都有2隻同佢同一胎既寶寶離開左, 不過佢似乎比較特別
唔計熊仔依家仲有4隻小露寶, 高峰期曾經有十幾廿隻, 隻隻一樣樣又跑得快唔抱得上手, 我都分唔清邊個打邊個...所以唔係個個有名
依家剩返1隻肥O都O都自己住, 佢身型特別大隻, 可能佢對得熊仔多, 以為自己應該好似熊仔咁大, 佢食得又訓得, 不過有個怪現象, 就係佢成日自轉, 有時跑圈有時原地轉...俾碌佢又唔跑...好好手感架~亦係哩一一隻仔仔
另外仲有3隻囡囡一齊住, 佢地分別來自最後一胎同尾二一胎, 我家既囡囡好多都可以同居, 仔仔大大下就一定要獨居, 地盤意識好強!三隻囡囡依家一齊住, 尾二胎O個隻係臨尾先加入一齊住都冇打交, 睇見佢地互相取暖好warm~^^
係唔係天氣凍呀?!
ReplyDeletemauph, 應該唔係, 佢都識呢o係隻襪入面, 我屋企又比較暖, 佢都2歲幾其實年紀算大架喇
ReplyDelete其實佢安詳咁去都已經好安慰．．．我之前好多隻老左．．．見佢地白內障或者病好辛苦嫁， 但我最愛ｏ個隻就安詳咁去， 佢係我出街前， 由二樓落左地下ｏ個層， 扒係個食物兜ｏ個邊邊， 到我出完街， 我發覺佢ｐｏｓｔ無變, 就知佢去左lu....反而我覺得佢咁樣仲好, 無咩折磨~
ReplyDeleteyan1984, 都係架, 有時見倒d打側訓o係度好似掙扎過咁, 最慘係唔係獨居o個d難免俾人分屍...>< 最安詳就係肆肆正正咁坐o係度好似訓左咁, 佢就係其中一隻 仲有一隻印象好深, 一早起身見佢就唔得就抱左佢出黎, 點知幾個鐘頭後跑得好快, 又食返野, 不過補完習返黎就去左...經驗豐富既我都忍唔住喊 T^T佢實在太生性喇... 依家熊仔都有白內瘴, 不過又唔覺佢同之前有咩分別, 都係傻下傻下四圍走
ReplyDelete我都好明.. 果陣我養2隻..之後就越生越多(十幾廿隻)..又要將佢地分開.. 之後我就一直養佢地..直到佢地老死.. 有d都係老果陣..有內障, 有d就係臨死前..佢會休克/昏迷好多個鐘...(lee種最痛苦..睇住佢地就黎走..但係我就咩都做唔到), 亦有d係當我一訓醒果陣..摸佢..凍冰冰噤..去得好突然.. 我家下hk既屋企都仲有一隻..不過lee隻唔係買的.. 係有一日我男朋友打比我..話o向我樓下見到有2隻鼠鼠比人有個膠樽裝住..丟左o向垃圾筒旁(= =噤都做得出?)...so我男友就拎左上黎比我~我丫爸丫媽又肯比我養...就係噤啦~不過本身有2隻大妹同細妹..但係有一日..大妹發神經...唔知點解追住細妹黎打...當我救細妹出黎之後...佢已經唔係好得了...就係噤去左.. 好傷心架...次次佢地走...我都會喊到9彩...特別以前有2隻我係最愛的..有一隻佢可以間唔中好自由噤o向屋企走..又唔知點解佢有次會去左洗衣機..又有次佢可以零晨3點幾o向琴底行出黎= =另一隻呢..就係好鐘意食同訓..佢成日訓o向我枕頭邊個位..一齊訓..好有人性的
ReplyDeletetabby你係養邊個品種呢?我細隻呢d跑得好快走左好難捉, 有隻偷走左n次呢~好勁!! 熊仔都試過偷走, 轉個頭唸住唔搵住沖涼先點知佢o係洗頭水後面捐個頭出黎笑死我XD
ReplyDelete蠍 ~我第一次養既係小灰霸~係人地比的~之後生左好多...等佢地百年歸老之後.. 之前我男友就送左小露寶~因為見佢地好得意..噤跑黎跑去..跑唔停 之後家下屋企果隻..係小灰霸~
ReplyDelete我屋企有條魚魚噚日都走咗喇...天氣太凍, 開咗暖管都唔夠
ReplyDeleteTABBY, 我咪就係養小露寶囉~真係跑得勁快!抱唔倒起手唔好玩...不過好靚仔~
ReplyDelete嘉露, 魚魚係咪好難養架
ReplyDelete