無糖豆漿(附食譜)

尋晚想整先發現要浸好耐, 夏天要6個鐘, 冬天更加要20個鐘, 所以浸左一晚, 今日放工先整^^

1. 預先一晚浸一杯

黃豆；

2. 黃豆+水(1:6)於攪拌機攪成汁，倒進豆漿袋*隔渣，煮沸*後轉小火煮熟即成。

備註：1. 豆漿袋可用煲湯魚袋代替，不過豆漿袋極易洗，化算好多唔駛用完丟掉！2. 豆漿易火農，記得一路煮一路攪，千祈唔好行開！

我冇加糖調味，落多左水比正常稀，估唔到又幾Ｏ岩我口味喎～有Ｄ譜話滾後小火煮１０分鐘有Ｄ話３０分鐘，我就未見滾已經有少少火農既跡象，一滾轉小火煮多陣就熄火！