舞蹈比賽工作人員

前日代表學校出去幫元朗劇院做助理場務員, 有鑑於同事去年既不快經歷, 有少少不安...

話說舊年本來都係填左我個名, 抽中就由我去既, 不過我因為要帶隊比賽, 所以搵左同事代我。聽返佢既經歷, 話d人就算係老師定ta都好, 一樣照俾人點黎點去, 語氣態度唔多友善, 今年都有少少擔心；點知去到又意外地好喎，老師前老師後，對參賽學校就可能惡ｄ，好多學校既老師同家長都蠻不講理大聲夾左惡，你唔惡ｄ又俾人恰！不過對我地就好好，又請我地食野！原來仲有飯錢添XD

仲識倒2個同我一樣代表自己學校去既TA, 一男一女, 2個都好好傾, 個女仔好似姚瑩瑩~^^個男仔就好熟元朗, 帶我地去食野, 又介紹下D地方咁。我地收工之後仲一齊去左我想去好耐一直冇機會去既B仔涼粉!之後個女仔陪我搵車搭都搵左成大半個鐘...好好人T^T佢自己就再行多陣，話難得入黎一次！　

雖然由朝做到晚(返9:30但我跟學校車出發8:45就到左...7:55已經返到學校...跟住到6點先收工...)，不過好開心！＾＾

估唔到由元朗出彩虹都幾快，35分鐘就到，仲快過搭64K返大埔(要成個鐘, 小巴就好D半個鐘就到) 不過要成$16.5！

同個男仔傾開學電單車，其實我想學好耐，不過駕駛學院要成６，７千蚊好貴，不過佢去李健學只係４，５千又抵喎～～～買車上車會仲可以分期～～