今日放工買完送返屋企途中撞倒Thomas!!! 自從佢上年好突然咁轉左校一直都冇見過, 雖然佢住得好近學校, 亦返過黎2次羅野, 不過我都見佢唔倒。
今日行行下見倒佢o係前面一路跑一路笑, 玩得好開心, 著住第二間學校既校服。佢附近冇其他人, 我嗌佢中文名, 佢望過黎笑住咁同我say hi~跟住就繼續跑左去, 我都繼續行, 回頭望左佢2次。佢仲係一樣咁得意！
其實佢可能已經唔認得我
記得我有次扮晒野問佢幾時生日, 佢答完之後我話「e?我都係喎」佢又話:「e?咁得意既?」
有次返學同放學佢又大大聲離遠嗌我「黃老師」
好似今日咁, 見倒佢, 令我回家路上一路會心微笑。^^
佢臨走時同佢影左2張相話send俾佢, 不過佢話佢爸爸o係屋企唔上網...其實我地已經失去聯絡。不過今日撞返都冇唸住羅佢聯絡方法, 羅左又點~隨緣啦~咁樣偶然撞倒咪仲開心^^
好可愛丫=口=~ 大個左一定係個靚仔黎的~哈~
ReplyDeletee....個樣好醒目咁喎！！
ReplyDeleteTABBY, 其實我又唔覺佢好靚仔,不過好得意架~!>0<
ReplyDeleteMAUPH, 佢真係好醒架~全級考第一二, 不過亦係因為咁, 轉左去一間有拔尖既小學, 但其實O個間學校D野仲淺過我地...今日同佢舊年個班主任講起話我撞倒佢, 佢話佢去到邊都會考第一, 佢依家已經入選左O個間學校一班for小四既數學班, 佢今年小二咋~
ReplyDelete嘩! 真係好勁bor!
ReplyDelete