其實呢排食返多野好主要既原因係身體出左毛病, 經期亂左…上2次少到近乎冇，好怕會停經。
當時好多減肥版友都有咁既經驗, 我都唔太驚, 開頭仲只係唸: 下?唔黎咪唔會輕囉? 黎完先會落磅家嘛...
不過日子愈耐就愈唔安樂, 早幾日同個朋友傾開, 佢以前都試過因為壓力大停經, 當時食極唔肥, 得返90磅, 開頭又係好似我咁好少好少, 幾個月後直情停埋, 睇醫生食藥都冇用, 結果3年半之後先黎返…
聽倒之後愈唸愈經, 佢仲話o個件事之後check倒子宮細左, 會影響生育! 仲驚!
如果我今次真係為左減肥攪成咁, 好唔值...
其實都唔係冇唸過會唔會有左, 又唔黎(少到好似冇黎過咁...都唔知係咪真係黎左...對上一次正常黎已經係11月頭, 到依家都2個幾月, 有既話都有左2個幾月...)個肚又大左...腰呀腩呀臀都大左...=0=不過我又唔算好驚, 覺得機會不大, 就算真係有左, 咪生佢出黎囉~生得出自然養得大, 我話過唔會落仔! 大不了咪自己養囉, 反正我一生人點都會生仔, 如果唔生過或者落過仔我一定會後悔!!仲要做一個開心既媽媽, o係懷住寶寶既日子都要開開心心, 無論有幾困難我都會積極面對, 冇錢既最多搵過份工, 點都要搵倒教席! 跟住請工人湊, 放工先自己湊返~世上無難事, 好似減肥咁~(講到好似真係有左咁XD)
雖然唸到咁, 不過話唔擔心就厄人既...話晒依家都未ready, 未俾倒一個最理想既環境BB; 不過更擔心既都係影響生育, 比有左更令人擔心, 我唔可以冇仔生架~>口<
今日feel倒o個陣都半信半疑, 驚又係空歡喜...到知道真係等倒o個陣, 開心到呢...o^~~^o今次同上2次唔同喇~~~量正常, 至少要用...^^"久違既感覺返黎喇~~(其實只係2個月多d)上個月都試過呢種興奮, 點知係虛火...>3<今次都好驚係, 不過照目前睇黎應該冇事喇~^0^ 我呢2日仲特登飲左紅棗水呀~~(尋晚睇blog睇倒話遲黎或者唔黎都可以飲)
其實今次唔知係因為減肥定我11月o個次黎o個陣一日飲左3杯五青汁寒邪入體既關係...呢3個星期食多左好多野, 尋日上磅居然重左8磅!!!(今日輕返2磅)不過終於等倒, 我覺得都係值既~~我又真係有野落肚家嘛~^^"
黎緊遲下都要注意下飲食同運動, 至少短期內都唔好再整酥皮喇...=0=" 不過就唔好再好似之前咁日日五青汁, 又乳酪+橙當lunch, 或者可以好似開始減o個陣咁丸米, 菜麵咁都唔錯, 好似健康d!
No comments:
Post a Comment