今日係重新開始既第二日，依然唔慣，冇咁囉囉攣喇，不過居然打鼓=="！
119lbs, 輕返2磅幾喇, 54kg, 至於脂肪比, 我懷疑佢唔準，每次都係同體重成正比上落既…
早餐：脫脂奶麥皮
小食：之前買既meiji protein diet+少少奶粉、好耐冇食過既梳打餅
午餐：趕返屋企擺低ｄ租，袋住成皮野ｏ係身好冇安全感…順便洗衫，煮左個油麥菜麵（加埋都急行左半個鐘既）
晚餐：六點幾就餓...食左油麥菜米，八點幾又餓…食左脫脂奶麥皮，十點正小法包出爐，食左最細o個個~:p
今晚會整埋個法包，好似有少少唔舒服又冇咩mood咁，晏ｄ好ｄ既話抹下個地。<<<結果冇咩唔舒服, 不過都冇拖地又冇做pilates=0=, 個包都整左好耐...轉眼又一晚過去了.....
你都唔肥啦，唔洗減掛
ReplyDelete橙皮超人, 我舊年3月開始減, 當時133磅! 減左2個月已經11X, 之後一路減唔倒, 又食下又減下咁, 最輕去到112.X, 不過我目標係110...依家暴食左一個月...去返119........仲有2個月就一年, 我希望可以o係呢2個月減返9磅咁就達標喇!
ReplyDelete努力呀，我會支持你架！
ReplyDelete橙皮超人, 多謝!我會努力架喇!!
ReplyDelete雖然我唔知你係邊個,但係我日日都有see呢你個blog 架!!我都好like吃麵包,每次見到你整我都好想吃架!!!我其實係個f.1的學生,但係我想請教下你呢........點先可以減到肥=.=快d黎我個blog see 下啦!!!
ReplyDelete糖糖妹妹~多謝你咁捧場呀~^0^F1咁快減肥?你好肥咩? 等我過去探下你先
ReplyDelete話咁怏就瘦兩磅, 勁呀
ReplyDelete嘩! 你果度租咁貴o既, 沙田出名貴租村屋, 我果度都無咁鬼喎! 點解唔用戶口過數方法o既, 咁咪好啲囉, 家陣, 治安真係差好多, 我個舊同事早輪俾人偷電話同埋佢條名牌電話繩, 部機仲係出左一個月咋!
ReplyDelete嘉露, 頭幾磅就輕得好快架, 2日已經去返117.X(減返4磅), 不過今日第7日依然係117.X...:P 打左2日邊爐...^^"
ReplyDeleteBIBI, 其實係2個月租金黎, 都唔算好貴, 不過村屋黎講又唔算好平, 但比起以前住市區, 5000蚊細到擺野都唔夠地方...呢度算抵住架喇~ 係呢你度幾錢租呀~男友聽倒2層話好似好開心XD 我就覺得蝕左條樓梯
ReplyDelete蠍: 我呢度全世界黎到個個都話抵呀, 因為始終係沙田區嘛, 仲要係大圍, 而且行出去七分鐘就有齊車去香港, 九龍, 荃灣, 葵芳等等, 太多車選擇, 我間屋都係$6,000, 700呎連350呎天台, 宜家係沙田好難搵喇, 不過租屋講時機同緣份, 有時你租左自己果間先至發現仲有抵啲同好啲o既, 好彩, 我租左呢間屋後, 仲未遇到間抵啲o既! 不過分上下兩層好呀, 我妹妹同老公仔係下面睇電視, 都唔會嘈住我瞓覺! 同樣地, 我半夜返黎, 都唔會嘈住佢地瞓覺! 宜家沙田好貴租, 七百呎如果連天台, 講緊我附近或者我條村啦, 大約要$7500至$9500, 痴線架!
ReplyDeletebibi, 我既主要活動空間都係自己房, 呢排煮野食就用埋廚房同廳, 其餘2間房擺野多, 都好夠用喇~不過你度都幾抵, 我就要行遠D先有車搭一係搭小巴轉車, 不過行遠D咪仲好做多D運動
ReplyDelete蠍: 我無法啦, 要方便媽咪有時黎探我, 又要近佢屋企, 行去佢屋企都係大約20 mins左右, 加上我返工返香港, 半夜放工, 所以一定要搵呢類交通方便o既地方!
ReplyDelete蠍: 仲有, 我對業主夫婦超好人架 (可能比較後生關係, 四十零歳), 而且好鍾意我住, 佢話我住得乾淨, 而且未搬入黎前佢話我鍾意間屋油乜野色, 用邊隻牌子漆油都得, 佢仲自費搵人幫我油過晒全屋, 見到我房部冷氣舊左, 仲自動幫我換過部新o既, 所以我好鍾意呢間屋架! 我啲fd同阿妹啲fd每個黎過都話鍾意我間屋架, 佢地個個鍾意我個天台添!
ReplyDeletebibi, 個個都鍾意天台, 所以三樓特別貴呢~你呢度住左幾耐? 原來我都住左4年幾喇, 好少屋住倒咁多年, 通常都係2年就搬
ReplyDelete