再戰中種包

中種包本應鬆軟1, 2日，不過尋晚個包今日已經硬左好多，叮返都唔係ｏ個回事，今日決定再挑戰多次！

最後發酵中…

做法：

1. 溫水50g+酵母5g+糖10g(靜待10分鐘)，加高筋麵粉90g拌勻成團，發酵3小時。

2. 把上述粉糰+高筋麵粉25g+低筋麵粉12.5g+糖10克+鹽3g+蛋15g+奶粉5g+水10g(我另加酵母菌少許)，搓至可拉成薄膜，最後加上牛油搓勻。

 

3. 模內掃油，把麵糰放入模內進行第二次發酵約30-60鐘。

4. 150'C焗12分鐘即成。(原食譜為180'C焗12-15分鐘)

小提示：如因天寒未能成功發酵，可把粉團連膠容器置於爐頂，開火至爐頂附近空氣微暖（約30-40'C), 或把容器連粉糰放入已熄火但仍微爐的焗爐中。放於爐頂時需蓋上保鮮紙，放入爐內則可免。

評價：估唔到出黎仲好似冇平日咁鬆軟…究竟邊度出錯呢？發得冇尋日咁高，麵包中間亦冇咁多氣孔，咩問題呢？

同事話食落肉鬆餅, 我估係發酵過度, 上網查過話太多酵母菌同過熱都會, 而出黎既麵包會質地粗糙, 我唸九成係呢個原因!因為我多手加左酵母菌O係主麵糰...