假期第一天~英式田園麵包for BBQ(附食譜)

整左d方包for 今晚BBQ~試用新買既方包模~~不過見佢唔係平頂冇加蓋, 焗焗下見有D火農先加返~~其實駛唔駛加既呢?

英式田園麵包 English Cottage Bread

做法：
200g高粉+50g低粉+22g糖+10g奶粉+5g鹽+約2g酵母拌勻；加半隻雞蛋+130ml冷水攪拌成糰；加入30g牛油繼續攪拌成光滑麵糰，發酵60分鐘，搓圓，靜置10分鐘後擀薄卷起；入模發酵45分鐘或至兩倍大；用力將麵包面切開，魚後將少許牛油放在上面，再灑上粗糖。180'C焗30分鐘即可，焗熟後馬上將麵包從焗盤移出待冷卻即成。

我怕好似之前麥包咁太鹹，加少左鹽，大約落左3g；第一次發酵搓圓後唔記得靜置十分鐘…o岩先發現*.*。今次冇再好似之前天氣凍咁放入蒸籠度發，因為早２日咁意大利朱古力包同合桃辮子麥包時都發唔起，途中見發得幾好, 點知夠鐘之後好似反而細左…而且有少少酒味，估計係太熱太濕影響發酵，所以今次試下就咁室溫加保鮮紙發。

另外今次冇先將酵母開水，而係直接加落麵糰度，果然如

旦丁所言，效果一樣～！