積極修身月

又有一段日子冇打過減肥日誌, 尋日係2月最後一日, 終於鼓起勇氣面對現實上磅, 覺得自己肥左好多~~條腰粗晒~~仲唸住會重到去125, 都好, 只係121.x, 即係重返8磅, 冇錯!又係8磅!!本來已經減返5磅, 仲有fd問我係咪減返晒, 仲瘦過之前, 其實仲差4磅先到最瘦, 不過依家又重返晒…又要重新努力!

三月修身規條

今個月決定唔整野食!!(減肥飲食另計)所有蛋糕甜品小食一律唔俾整!! 最多只能整麥包、法包同饅頭頂癮。你睇我連背景圖都換埋喇!!.\/.

每日至少2餐清淡飲食, 除左本身既少油少糖高纖飲食之外, 盡量唔食麵包。

每日最少30分鐘運動：stepper/放狗/慢跑/急行/wii sport/pilates/yoga

11點前訓

暫別美食一個月

唔整野食慳返黎既時候可以練下琴(o係書城買左好多琴譜), 做下運動(連pilstes同yoga呢d都有2個月冇做過…==), 睇下碟, 同埋最緊要早d訓…呢排整野食晚晚都點幾先訓, 訓得5個鐘, 由放假開始已經冇覺好訓…

再戰西柚餐減肥法

6號開始食12日西柚餐，不過今次係健康版，唔再好似之前咁食kfc, 麥記, 挑戰餐單所謂既醬汁不限烹調方法不限呢條規則! 而我上次亦冇跟佢講既晚餐最好食肉既規例。今次唸住午餐食火腿/tuna/蟹柳/雞絲沙律(走醬), 晚餐就蒸魚/焗魚+灼菜, 睇下咁又成唔成功。