豆腐芝士蛋糕 for Yoko

第一次為男友以外的人做蛋糕

第一次畫朱古力卡通公仔

第二次整豆腐芝士蛋糕

呢個蛋糕清新健康又唔漏, 6吋SIZE只有70G cream cheese~120g豆腐, 淡淡豆腐味

第一次整o個陣試食專員已經相當欣賞, 不過一路都冇整過, 其中一個原來可能係放相上網俾人話過唔滑…其次可能係成功左…成功過既野我好少再整…

試食團1號:「 好味呀~點整架?我想要個譜呀」跟住見倒D切左一件件既蛋糕話:「蛋糕底買既!」我話: 「自己整架~~」^^v

試食團2號: 好食呀~我食倒豆腐味

試食團3號: 試食前: 有冇豆腐味架?豆腐本身都冇咩味喎~試食後: 我食唔倒豆腐味 (跟住2號就話: 你食多陣就有架喇)XD 另外問我點解整咁多蛋糕, 我話唔想太多mousse怕漏, 佢話好清, 多d都唔會漏(可能因為我唔係咁鍾意d mousse狀既野:p 所以想蛋糕比例多d)

試食團4號都話食唔出豆腐味, 蛋糕煙煙unun (@@, 相比同事a1買o個個雜果蛋糕我整既蛋糕底明顯冇咁鬆, 亦比尋日出爐時實, 唔通真係要加乳化劑/發粉?)

試食團5號: 好味呀~好滑 (我尋晚整o個陣都好在意點可以整滑d)

試食團6號: 我鍾意呢種質感呀(不過我唔記得佢話鍾意實定唔實XD 備註: 佢係唔鍾意食芝士蛋糕的, 唔知係咪指日式焗o個隻?)

我: 芝士比例雖然少, 不過芝士味都係好重, 留心d就會食倒豆腐味架喇XD 今次個蛋糕底整得認真左, 上次好求其整左少少o係個模底咋XD

兩年前第一個豆腐芝士蛋糕